O 1 de outubro dará comezo o Curso de especialización práctica en Dereito Inmobiliario: vivenda, propiedade e conflitos a resolver, unha formación dirixida a profesionais da avogacía que desexen actualizar os seus coñecementos e reforzar a súa intervención nun ámbito de especial relevancia xurídica e social.

A vivenda converteuse nun dos eidos con maior impacto no exercicio profesional diario. A aplicación da Lei 12/2023, do 24 de maio, polo dereito á vivenda, as reformas procesuais e a evolución da xurisprudencia requiren unha formación rigorosa, práctica e actualizada para abordar con solvencia cuestións relacionadas cos arrendamentos, grandes tenedores, vulnerabilidade residencial, desafiuzamentos, ocupación, propiedade horizontal e estratexias procesuais.

O curso, cunha duración de 30 horas lectivas, combinará a análise normativa e xurisprudencial con obradoiros prácticos, modelos de escritos, supostos prácticos e criterios de actuación profesional. O seu enfoque transversal e a participación de relatores de diferentes ámbitos xurídicos permitirán aplicar os coñecementos adquiridos na práctica profesional e mellorar a calidade do asesoramento ás persoas clientes.

A formación desenvolverase en formato en liña e presencial do 1 de outubro ao 5 de novembro de 2026. A inscrición é gratuíta.

Máis información e inscrición: nesta ligazón

?